11 հայկական ընկերությունների թույլ են տվել մսամթերք արտահանել Ռուսաստան: Այս մասին, այսօր՝ նոյեմբերի 18-ին, լրագրողների հետ ահնդիպման ժամանակ հայտնել է ՀՀ գյուղատնտեսության նախարարության սննդամթերքի անվտանգության պետական ծառայության անասնաբուժության տեսչության պետ Հովհաննես Մկրտչյանը:
Նրա խոսքով՝ այդ ընկերությունների շարքում են «Արաքս» թռչնաֆաբրիկան» եւ մսի 10 կոմբինատները՝ «Նաթֆուդ», «Աթենք», «Բարի սամարացի», «Բեկոն պրոդուկտ», «Մարիլա», «Մուշ», «Նատալի Ֆարմ», «Ռազմիկ-92», «Արարատ» ընկերությունները եւ անհատ ձեռներեց Համլետ Հովսեփյանը:
Նման թույլտվություններ շուտով պիտի ստացվեն նաեւ ԵՏՄ անդամ մյուս երկու երկրների՝ Բելառուսի եւ Ղազախստանի սանիտարական մարմիններից:
Մոտ ժամանակներս ռուսական կողմը պլանավորում է բանակցություններ սկսել մեծ թվով թռչնաֆաբրիկաների համար շուկան բացելու շուրջ:
