Վարչապետ Հովիկ Աբրահամյանն ընդունել է Հայաստանի Հանրապետությունում Չինաստանի Ժողովրդական Հանրապետության նորանշանակ արտակարգ եւ լիազոր դեսպան Թիեն Ըրլոնգին եւ շնորհավորել նրան՝ մեր երկրում դիվանագիտական առաքելությունն սկսելու առթիվ:
Վարչապետը հույս է հայտնել, որ դիվանագետն իր գործունեությամբ կնպաստի հայ-չինական հարաբերությունների հետագա խորացմանն ու ընդլայնմանը:
Դեսպան Ըրլոնգը վստահեցրել է, որ իր պաշտոնավարման ընթացքում կներդնի առավելագույն ջանքերը՝ երկու բարեկամ երկրների կապերին նոր թափ հաղորդելու եւ սերտացնելու համար:
Զրուցակիցները քննարկել են տարբեր ոլորտներում հայ-չինական համագործակցության զարգացմանը եւ նոր ծրագրերի իրականացմանը վերաբերող մի շարք հարցեր: