Իրանն ու միջազգայն դիտորդների «վեցյակը» պայմանավորվել են առավելագույնս մեդիալռություն պահպանել եւ չբարձրաձայնել բանակցային գործընթացի տեխնիկական դետալները: Այս մասին, ըստ ՏԱՍՍ-ի, հայտնել է իրազեկ աղբյուրը:
Մամուլը, ըստ աղբյուրի, աշխատում է ժամանակավոր հատուկ տաղավարում՝ տեղադրված «Քոբուրգ» հյուրանոցի դիմաց, որտեղ ընթանում են բանակցությունները: Մամուլի ներկայացուցիչները աղբյուրների հետ շփվում են հիմնականում էլեկտրոնային կապով կամ հնարավորության դեպքում՝ հյուրանոցի մուտքի մոտ:
Իրանի պատվիրակության աղբյուրը ՏԱՍՍ-ին հայտնել է, որ բանակցությունները տեղի են ունենում լուրջ մթնոլորտում, դրանք ինտենսիվ են, սակայն շարժը դանդաղ է, կողմերը փորձում են լուծել մնացած հարցերը, եւ ներկայումս ամեն ինչ Թեհրանի նկատմամբ պատժամիջոցների եւ ԻԻՀ-ի ուրանի հարստացման ծրագրի շուրջ է պտտվում:
«Այժմ շարունակվում են փորձագետների երկկողմ հանդիպումները: Կողմերն ուշադիր քննարկում են տեխնիկական տարբեր դետալները», - իր զրուցակցի խոսքերն է մեջբերում աղբյուրը:
