Չնայած շատ վարորդներ արագաչափերի կողմից հսկվող տարածքներից դուրս ավտոմեքենան վարում են ոչ թույլատրելի արագությամբ, այնուամենայնիվ, Երեւանի ՃՈ պետ Արսեն Արշակյանը չի կարծում, թե արագաչափերն անարդյունավետ են:
«Արդյունավետությունը չգնահատելն այնքան էլ ազնիվ չի լինի: Օրինակ, նախկինում ձմռանը Դավիթաշենի կարջի վրա ամսական 3-4 մահվան դեպք էր նկատվում, արագաչափի տեղադրվելուց հետո իսպառ վերացել է մահվան ելքով ճանապարհատրանսպորտային պատահարների թիվն այդ տարածքում»,-լրագրողների հետ զրույցում այսօր՝ նոյեմբերի 20-ին, ասաց Արսեն Արշակյանը՝ նշելով, որ արագաչափի տեղադրումից հետո իրենք դրա արդյունավետությունը ստուգող վերլուծություն են իրականացնում:
Արսեն Արշակյանի խոսքով՝ ԱՊՊԱ համակարգի ներդրումից հետո ճանապարհատրանսպորտային պատահարների հետեւանքով վնասված ավտոմեքենաները ստիպված մնում են տեղում կանգնած՝ մինչեւ ԱՊՊԱ գործակալության աշխատակցի ժամանելն ու արձանագրություն կազմելը, ինչի պատճառով էլ թվում է, թե ճանապարհատրանսպորտային պատահարների թիվն ավելացել է:
