ԱԷՄԳ-ը պատրաստակամություն է հայտնել արագացնելու Իրանի հետ աշխատանքը՝ վիճելի հարցերի լուծման համար եւ Թեհրանին կոչ է արել աշխուժացնել համագործակցությունը: Այս մասին հայտնում է ՏԱՍՍ-ը՝ վկայակոչելով ԱԷՄԳ-ի ղեկավար Յուկիյա Ամանոյին:
«Ես Իրանին կոչ եմ անում հասանելի դարձնել անհրաժեշտ ողջ տեղեկությունը, փաստաթղթերը, հարթակները, նյութերը եւ անձնակազմը», - նշել է նա:
ԱԷՄԳ-ի ղեկավարը Վիեննայում Իրանի եւ միջազգային դիտորդների «վեցյակի» ներկայիս բանակցությունների հաջող ավարտ է ակնկալում: Ըստ Ամանոյի՝ ԱԷՄԳ-ը շարունակում է աշխատել համատեղ գործողությունների ծրագրով սահմանված միջոցների ստուգման ուղղությամբ: