ԲՀԿ-ն առայժմ չի մերժել իշխանությունների հետ բանակցությունների հրավերը: Այդ մասին այսօր՝ ՀՀԿ ԳՄ նիստից հետո լրագրողներին ասել է ՀՀԿ մամուլի քարտուղար Էդուարդ Շարմազանովը:
Դիտարկմանը, թե ոչ իշխանական ուժերը մերժեցին բանակցելու հրավերը, Շարմազանովը պատասխանեց. «Ո՞վ մերժեց ոչ իշխանականներից: ՀԱԿ-ը չմասնակցեց, բայց չեն մերժել: ԲՀԿ-ից դուք լսե՞լ եք, որ մերժել են»:
ՀՀԿ մամուլի խոսնակին հիշեցրել են ՀԱԿ եւ «Ժառանգություն» խմբակցությունների ղեկավարների հայտարարությունները, ինչին ի պատասխան Շարմազանովն ասել է. «Մենք ոչ Լեւոն Զուրաբյանին ենք անձնապես դիմել, ոչ Ռուբիկ Հակոբյանին: Չեմ կարծում, որ նրանք այն քաղաքական գործիչներն են, ովքեր այլ կուսակցության փոխարեն լիազորված են պաշտոնական հայտարարություն անելու: Մեկ անգամ ասել եմ, հիմա էլ կրկնում եմ` Բարգավաճ Հայաստանից, դուք տեղյակ եք, թե Հանրապետական կուսակցությունն ում կարծիքն է ընդունում` որպես պաշտոնական կարծիք»:
Խոսքը Գագիկ Ծառուկյանի մասին է՝ հարցին, նա պատասխանել է. «Դուք ասացիք, ես չասացի»:
