Եվրասիական տնտեսական հանձնաժողովը Վիետնամի, Նոր Զելանդիայի, Եգիպտոսի, Հնդկաստանի եւ Իսրայելի հետ ազատ առեւտրի գոտիների մասին համաձայնագրերի նախագիծ է մշակում: Այդ մասին այսօր՝ նոյեմբերի 21-ին, հայտարարել է Եվրասիական տնտեսական հանձնաժողովի մրցակցության եւ հակամենաշնորհային կարգավորման նախարար Նուրլան Ալդաբերգենովը, հայտնում է «ՄԻԱ Կազինֆորմը»:
Նա հստակեցրել է, որ նախկան Մաքսային միությանն անդամակցելը, Ղազախստանում էլեկտրոնային գնումների ծավալը կազմել է մոտ 1,1 մլրդ դոլար: «2012թ. Միասնական տնտեսական տարածքին միանալուց հետո աճը կազմել է 43%, իսկ 2012թ. այդ այդ ծավալը 2,2 անգամ ավելացել է: Ռուսաստանում, օրինակ, 2012թ. էլեկտրոնային գնումների ծավալը կազմել է 79 մլրդ դոլար, 2012թ. արձանագրվել է 30%-անոց աճ, իսկ ահա 2013թ. ծավալն ավելացել է մոտ 77 անգամ», - հայտարարել է ԵՏՀ-ի ներկայացուցիչը:
Ն. Ալդաբերգենովը նաեւ հիշեցրել է, որ ԵՏՄ-ի շրջանակներում Ղազախստանը էլեկտրոնային գնումներին սկսել է մասնակցել 2014թ.-ից: Այդ ընթացքում մոտ 8,3 մլն դոլար ընդհանուր գումարով քայմանագրեր են կնքվել: «Մեր խնդիրն է, որպեսզի յուրաքանչյուր ձեռնարկատեր կարողանա պայմանագրեր կնքել էլեկտրոնային ձեւաչափով: Հաջորդ տարի մեզ կմիանա Հայաստանի Հանրապետությունը, 2016թ. –ին՝ Ղրղզստանի Հանրապետությունը: Նրանք ուշադիր հետեւում են այս բոլոր գործընթացներին, եւ միաժամանակ էլեկտրոնային գնումների մասով արդեն աշխատանքներ են տանում», - հայտարարելէ ԵՏՀ-ի ներկայացուցիչը: