Կիեւի քաղաքապետ Վիտալի Կլիչկոն հրաժարվել է ժողովրդական պատգամավորի մանդատից, հաղորդվում է քաղաքական գործչի պաշտոնական կայքում:
Հաղորդագրությունում նշվում է, որ համապատասխան հայտարարությունն արդեն ներկայացվել է Ուկրաինայի ԿԸՀ, փոխանցում է «Ինտերֆաքսը»:
«Ես բազմիցս հայտարարել եմ, որ կմնամ մայրաքաղաքի քաղաքապետ, որ հուսախաբ չեմ անի իրենց շահերը ներկայացնելն ինձ վստահած կիեւցիներին, որոնք փոփոխություններ եւ բարեփոխումներ են ակնկալում: Ինձ վրա պատասխանատվություն վերցնելով եւ միացյալ ցուցակը գլխավորելով՝ ես խորհրդարան եմ բերել իմ կուսակիցներին՝ քաղաքական գործիչների, որոնք կիրականացնեն մարդկանց սպասումները ոչ միայն Կիեւում, այլեւ ողջ երկրում, եւ կաշխատեն անհրաժեշտ բարեփոխումներն ապահովելու ուղղությամբ», - պարզաբանել է Կլիչկոն:
