Եվրահանձնաժողովը հանգել է Google-ը երկու առանձին ընկերությունների տարանջատելու անհրաժեշտությանը՝ IT շուկայում ընկերության մենաշնորհից խուսափելու համար, գրում է The Financial Times-ը։

Թերթի տրամադրության տակ հայտնված Եվրահանձնաժողովի հայտարարությունում խորհուրդ է տրվում Google-ի որոնման համակարգը եւ առեւտրային այլ ծառայություններին առանձնացնել՝ շուկայում Google-ի դոմինանտությանը վերջ դնելու համար։

Հաղորդվում է, որ այս որոշմանը կողմ են քաղաքական երկու առանցքային դաշինքները՝ Եվրոպական ժողովրդական կուսակցությունը եւ «Սոցիալիստների եւ դեմոկրատների առաջադիմական դաշինքը», հայտնում է Gazeta-ն։

Սա եվրոպական միացյալ գերատեսչությունների՝ ամերիկյան խոշոր ընկերության գործունեության վրա ազդելու խիստ հազվադեպ փորձ է։ Այս հարցով Եվրախորհրդարանում քվեարկությունը նախատեսվում է հինգշաբթի՝ նոյեմբերի 27-ին։