ԱՄՆ-ի իշխանությունները 320 մլն դոլար լրացուցիչ օգնություն են հատկացրել Ուկրաինային, հաղորդվում է Սպիտակ տան կայքում:
«ԱՄՆ-ի կառավարությունը այս տարի մոտ 320 մլն դոլար օգնություն կտրամադրի Ուկրաինային՝ ի հավելումն 2014թ. մայիսին հատկացված 1 մլրդ դոլար վարկի: ԱՄՆ-ն պատրաստ է շարունակել գործընկերների հետ աշխատանքը՝ տնտեսության կայունացման եւ ծայրահեղ անհրաժեշտ բարեփոխումների իրականացման նպատակով Ուկրաինային բավարար ֆինանսավորում ապահովելով», - ասվում է հաղորդագրության մեջ:
Նախօրեին հաղորդվում էր, որ ԱՄՆ-ն եւ Արժույթի միջազգային հիմնադրամը ֆինանսական եւ խորհրդատվական օգնություն կտրամադրեն Ուկրաինային: