ԱՄՆ նախագահ Բարաք Օբամայի ադմինիստրացիայի աշխատակիցը մեղադրվում է անչափահասի հետ ինտիմ կապ ունենալու մեջ։ Այս մասին հաղորդում է The New York Post-ը։
66-ամյա Թերի Բինը, որը «Դեմոկրատական» կուսակցության հիմնադրամի դրամահավաքով է զբաղվում եւ համարվում է գեյ ակտիվիստ, ձերբակալվել է Օրեգոն նահանգի Պորտլենդ քաղաքում 15-ամյա անչափահասի հետ սեռական ակտ ունենալու կասկածանքով։
Հաղորդվում է, որ Բինը փորձել է կոծկել գործը՝ առաջարկելով 40 000 դոլար։ Նշենք, որ Օբամայի նախընտրական քարոզարշավի ընթացքում Բինին հաջողվել էր ավելի քան 500 000 դոլար հավաքել։