Ամերիկյան հաքերները փորձել են կոտրել Էկվադորի նախագահ Ռաֆայել Կորրեայի ինտերնետային հաշիվները: Այդ մասին, Lenta.ru-ի փոխանցմամբ, Կորրեան գրել է Twitter-ում:
«Երեկ ամբողջ օչն իմ հաշիվները եղել են հարձակման տակ: Մինչ այդ նրանք ներխուժել էին համաարգիչների մեջ»,- ասել է Կորրեան: Կիբերհարձակումները, նրա խոսքով, իրականացվել են Միացյալ Նահանգներում գտնվող սերվերից, իսկ հաքերները ցանկացել են անձնական տվյալներ եւ տեղեկատվություն գողանալ:
Կորրեան համոզմունք է հայտնել, թե հաքերներին չի հաջողվի իրականացնել իրենց ծրագրերը: «Դրանք պարբերական հարձակումներ են՝ բարձր տեխնոլոգիաների եւ ռեսուրսների կիրառմամբ: Չեն անցնելու»,- գրել է Էկվադորի նախագահը:
Նախկինում Էկվադորի իշխանությունները հայտարարել են, թե երկրի ղեկավարության հաշիվները կոտրել էին Chevron ընկերությունից:
