Լեռնային Ղարաբաղի զինված ուժերը իրականացրին խոցված ուղղաթիռի անձնակազմի անդամների դիակների դուրբերման գործողությունը, մասունքները վերադարձվել են նրանց ընտանիքներին: Կարծում եմ, որ ներկայումս դա որոշակի քայլ կլինի խաղաղության հաստատման ուղղությամբ: Այդ մասին այսօր՝ նոյեմբերի 24-ին, Հայաստանի ամերիկյան համալսարանում տեղի ունեցած դասախոսության ընթացքում հայտարարեց Հայաստանում Մեծ Բրիտանիայի արտակարգ եւ լիազոր դեսպան Քեթրին Լիչը: Դեսպանն ընդգծեց, որ Մեծ Բրիտանիան աջակցություն է հայտնել միջազգային հանրությանը եւ ԵԱՀԿ Մինսկի խմբին, որն այդ կապակցությամբ բարձրացրել է իր ձայնը:

Ավելի վաղ NEWS.am-ը հաղորդել էր, որ հաշվի առնելով Ադրբեջանի կողմից ինչ-որ մեկին ուղղաթիռին մոտ թողնելու կտրուկ մերժումները, ԼՂՀ ՊԲ հրամանատարությունը մարտական խնդրի կատարման արդյունքում դեպքի վայրից տարհանել է ուղղաթիռի անձնակազմից մեկի դին, երկու օդաչուների մասունքները եւ ուղղաթիռի որոշ անհրաժեշտ մասեր։ Ադրբեջանական կողմը լուրջ կորուստներ է ունեցել, տարհանման գործողության արդյունքում հայկական կողմից ոչ ոք չի տուժել:

Նոյեմբերի 12-ին ղարաբաղա-ադրբեջանական սահմանի արեւելյան հատվածի օդային տարածքում, ուսումնավարժական թռիչքի ժամանակ ադրբեջանական ԶՈւ-ի կողմից հրադադարի ռեժիմի խախտման արդյունքում խոցվել էր ԼՂՀ ՌՕՈւ «Մի-24» ուղղաթիռը: Խոցված ուղղաթիռի երեք օդաչուները զոհվել են: