Մեծ Բրիտանիան տնտեսական շահեր ունի Ադրբեջանում, այդ պատճառով մեր երկիրը հետաքրքրված չէ Ղարաբաղյան հակամատությամբ: Այս մասին նոյեմբերի 24-ին Հայաստանի ամերիկյան համալսարանում դասախոսության ժամանակ հայտարարել է Մեծ Բրիտանիայի արտակարգ եւ լիազոր դեսպան Քեթրին Լիչը՝ պատասխանելով ուսանողների հարցերին:
«British Petroleum» ընկերությունը, ըստ նրա, Ադրբեջանի տնտեսության խոշոր ներդրողներից է: «Մենք տնտեսական շահեր ունենք Ադրբեջանում», - խոստովանել է Լիչը: Դեսպանը հավելել է, որ այդ պատճառով էլ Մեծ Բրիտանիան շահագրգռված չէ Լեռնային Ղարաբաղի հիմնախնդրում: «Մենք գիտենք, որ դա ոչ մեկի շահերից չի բխում», - ընդգծել է բրիտանացի դիվանագետը: Քեթրին Լիչը հիշեցրել է, որ Մեծ Բրիտանիայի Եվրոպայի հարցերով նախարար Դեյվիդ Լիդինգթոնի՝ վերջերս տարածաշրջան կատարած այցի նպատակն է եղել Հայաստանի եւ Ադրբեջանի այս տարվա օգոստոսի լարվածությունից հետո մեսիջ ուղարկելը՝ առ այն, որ խնդրի խաղաղ կարգավորումն այլընտրանք չունի, եւ որքան կարեւոր է ժողովուրդներին խաղաղության նախապատրաստելը: