Եմենի հակաահաբեկչական ծառայություններն ազատել են «Ալ Քաիդայի» գերության մեջ գտնվող յոթ հայրենակցի եւ մեկ արտասահմանցու, փոխանցում է «ՌԻԱ Նովոստին»՝ վկայակոչելով երկրի անվտանգության հարցերով կոմիտեի հաղորդագրությունը:
««Ալ Քաիդայի» ահաբեկիչների գտնվելու վայրի մասին տեղեկություններ ստանալուց հետո հատուկ ծառայություններն այսօր վաղ առավոտյան հաջող գործողություն են իրականացրել, որի արդյունքում ազատվել են պատանդները», - ասված է հաղորդագրությունում:
Ըստ գործակալության՝ ստուգայցի ընթացքում յոթ գրոհային է ոչնչացվել, հատուկ ծառայություններից մեկի աշխատակիցը վիրավորվել է: Գործողության մանրամասները չեն հաղորդվում:
Եմենում 2011թ. իշխանափոխությունից հետո պահպանվում է անկայուն վիճակը: Երկրի հարավում չեն դադարում «Ալ Քաիդայի» գրոհայինների ահաբեկչությունները, որը համարվում է տարածաշրջանի ամենավտանգավոր խմբավորումներից մեկը: