ԱՄՆ դոլարի փոխարժեքը այսօր՝ նոյեմբերի 25-ին կազմել է 433.68 դրամ՝ նախորդ օրվա համեմատ կտրուկ նվազելով 1.32 դրամով: Այդ մասին հայտնում են Կենտրոնական բանկի մամուլի ծառայությունից: Հիշեցնենք, որ դոլարի փոխարժեքը երեկ աճել էր միանգամից 16.60 դրամով, ինչը խուճապ էր առաջացրել փոխանակման կետերում եւ բնակչության շրջանում:
Եվրոյի փոխարժեքը կազմել է 539.19 դրամ (նվազել է 0.34 դրամով), բրիտանական ֆունտի փոխարժեքը կազմել է 680.01 դրամ (նվազել է 0.33 դրամով), իսկ ռուսական ռուբլու փոխարժեքը կազմել է 9.58 դրամ (նվազել է 0.12 դրամով):
Թանկարժեք մետաղների գները սահմանվել են՝ արծաթը՝ 227.69 դրամ, ոսկին՝ 16,696.9 դրամ, պլատինը՝ 17,038.51 դրամ:
Այսօր՝ նոյեմբերի 25-ին, «ՆԱՍԴԱՔ ՕԷՄԷՔՍ ԱՐՄԵՆԻԱ» բորսայում վաճառվել է 7.4 միլիոն դոլար: Մեկ ԱՄՆ դոլարի միջին փոխարժեքը կազմել է 435.09 դրամ։