Դոլարի փոխարժեքի տատանման արդյունքում 2015թ. ՀՀ պետբյուջեի եկամուտները կավելանան 1 մլրդ 558 մլն դրամով։ այս մասին այսօր՝ նոյեմբերի 25-ին, խորհրդարանում հայտարարեց ֆինանսների փոխնախարար Պավել Սաֆարյանը։
Նրա խոսքով՝ երբ հոկտեմբերին ներկայացվեց պետբյուջեի նախագիծը, որպես հիմք ընդունվել էր դոլարի փոխարժեքը սեպտեմբերի 1-ի դրությամբ։ Հիմա, երբ նախագիծը քննարկվել է եւ դեկտեմբերին պետք է մտնի լիագումար նիստի օրակարգ, դրանում որպես հիմք ըդնունվելու է նոյեմբերի 1-ի դրությամբ փոխարժեքը։ Փոխարժեքի տատանման արդյունքում դրամով արտահայտված բյուջեի մի մասը մեծացել է 1 մլրդ 558 մլն դրամով (մոտ $3,6 մլն)։
Հիշեցնենք, որ բյուջեի նախագծով եկամուտները կազմելու են 1 184,5 մլրդ դրամ, ($2,88 մլրդ.) կամ ՀՆԱ-ի 24,33%-ը, ծախսերը՝ 1 298,6 մլրդ դրամ ($3,16 մլրդ) կամ ՀՆԱ-ի 26,88%-ը։