Նախորդ կեսգիշերին «Ռիո» գիշերային ակումբում ծեծկռտուքն ավարտվել է մարմնական վնասվածքով: NEWS.am-ին հայտնի է դարձել, որ նշված ակումբում հաճախորդների ու տնօրենի միջեւ թեժ տուրուդմփոց է եղել, եւ տնօրենը աչքի վնասվածքով տեղափոխվել է հիվանդանոց:
Սկզբում վեճը երկու հաճախորդների միջեւ է եղել, որը հանդարտեցնելու նպատակով միջամտել է տնօրենը, բայց նրանցից մեկը գարեջրի շշով հարվածել է տնօրենին՝ պատճառելով մարմնական վնասվածք:
Ակումբում տեղի ունեցած միջադեպը NEWS.am-ի հետ զրույցում հաստատել են ոստիկանությունից: Նշենք, որ այն գտնվումէ Գյումրիում, Ղարսի խճուղիում: