Ոչինչ չի կարող արդարացնել Ղրիմի բռնկացումը: Ոչինչ չի կարող արդարացնել կամ ներելի դարձնել Դոնեցկի եւ Լուգանսկի մարտերում Ռուսաստանի ուղղակի եւ անուղղակի մասնակցությունը: Այդ մասին հայտարարել է ԳՖՀ-ի կանցլեր Անգելա Մերկելը, հայտնում է Deutsche Welle-ն:
«Ռուսաստանի գործողությունները կասկածի տակ են դնում Եվրոպայի կարգն ու խախտում են միջազգային իրավունքը», - dpa-ն մեջբերում է Մերկելի հայտարարությունը:
Միեւնույն ժամանակ, Մերկելը, նոյեմբերի 26-ին ելույթ ունենալով Բունդեսթագում, նշել է. «Որքան էլ ծանր եւ երկար լինի ճանապարհը, ես համոզված եմ, որ այն կհաջողվի»: Գերմանական կառավարության ղեկավարը խոստացել է Ռուսաստանի հետ բանակցություններում դիվանագիտական լուծում գտնել:
Կանցլերը հերքել է այն մեղադրանքները, որ ԳՖՀ-ի կառավարությունը Ռուսաստանի հետ փոխըմբռնման ուղղությամբ ջանքեր չի գործադրում: Մերկելի խոսքով՝ Բեռլինը Ուկրաինային քաղաքական եւ տնտեսական աջակցություն է ցուցաբերում:
Ձախ կուսակցության խորհրդարանական խմբակցության փոխնախագահ Զառա Վագենկնեխտը Գերմանիայի կառավարությանը մեղադրել է ուկրաինական հակամարտության քաղաքականության տապալման մեջ: Նրա խոսքով՝ Մերկելը Գերմանիանին ներքաշել է սառը պատերազի մեջ, որը սպառնում է Եվրոպայի խաղաղությանը:
