Բրիտանական «Orogen Gold» ընկերությունը հայտարարել է կոնսոլիդացման ճանապարհով իր բաժնետիրական կապիտալը վերակազմավորելու մտադրության մասին: Ընկերությունը նաեւ նոր հնարավորություններ է փնտրում, որպեսզի ավելի մեծ թվով բաժնետոմսեր թողարկի: Այս մասին հաղորդում է «London South East» բրիտանական կայքը:
«Orogen Gold»-ը բաժնետերերին խորհուրդ է տվել քվեարկել այս առաջարկների օգտին՝ զգուշացնելով, որ դրանցից հրաժարումը կարող է հանգեցնել վնասների փոխհատուցման մասին պահանջի եւ, որպես հետեւանք, բաժնետոմսերի արժեզրկման, քան որ ընկերությունը չի կարողանա կատարել Հայաստանում համատեղ ձեռնարկության մասին պայմանագրով ստանձնած պարտավորությունները:
Որոշ տնօրեններ եւ բաժնետերեր, որոնք ընկերության 11.91% բաժնետոմսեր ունեն, արդեն հայտարարել են, որ քվեարկելու են այդ առաջարկների օգտին:
Հայաստանի Մուծքի հանքավայրում ոսկու արդյունահանման նախագծի հետ կապված «Georaid» ՓԲԸ-ի հետ կնքված համատեղ ձեռնարկության համաձայնագրի պայմանների համաձայն, «Orogen Gold»-ը պետք է «Georaid»-ին 100 հազար դոլար վճարի՝ այն ժամանակվա շուկայական գնով գոյություն ունեցող սովորական բաժնետոմսերի տեղակայման ճանապարհով: Դրա համար անհրաժեշտ կլինի վերակազմավորել բաժնետիրական կապիտալը: