Հայաստանի ԱԻՆ-ում, այսօր՝ նոյեմբերի 26-ին, ժամը 18.01-ին ահազանգ է ստացվել, որ Արարատի մարզի Մասիս-Ռանչպար ավտոճանապարհին (1-ին կմ) տեղի է ունեցել ավտովթար, կա տուժած. անհրաժեշտ է փրկարարների օգնությունը:

Հայաստանի ԱԻՆ փրկարար ծառայությունից հայտնում են, որ դեպքի վայր է մեկնել մեկ մարտական հաշվարկ:

Պարզվել է, որ Հ-12 հանրապետական ավտոճանապարհի Մասիս-Ռանչպար հատվածի 1-րդ կմ-ում «ԶԻԼ» մակնիշի 34 PA 632 համարանիշի (վարորդ` 16-ամյա Ն.Ա.) կողաշրջվել է երթեւեկելի հատվածում:

Մինչ հրշեջ-փրկարարների կանչի վայր հասնելը` տեղի ուժերով ավտոմեքենայից դուրս է բերվել վարորդ Ն. Ա.-ն եւ տեղափոխվել Մասիս քաղաքի ԲԿ:

Բժիշկները տուժածի առողջական վիճակը գնահատել են բավարար:

Հրշեջ-փրկարարները հոսանքազրկել են ավտոմեքենան, դադարեցրել գազի արտահոսքը եւ ավտոմեքենան դուրս են բերել երթեւեկելի հատված: