Հայաստանը Համաշխարհային բանկից 75 մլն դոլար բյուջետային աջակցություն կստանա: Համաձայնությունը կառավարության կողմից հավանության է արժանացել այսօր՝ նոյեմբերի 27-ին:
«Զարգացման քաղաքականության վարկային 2-րդ ծրագիրը» նախատեսում է պետբյուջեի աջակցություն եւ ներկայումս գտնվում է վավերացման փուլում: Միջոցները տրամադրվել են Վերակառուցման եւ զարգացման միջազգային բանկի կողմից՝ շուկայականին մոտ պայմաններով: Ինչպես նշվում է վարկային համաձայնագրին կից տեղեկանքում, Հայաստանը մի շարք բարեփոխումեր է իրականացրել պետական կառավարման ոլորտում, այդ թվում՝ պարզեցրել է մաքսային հայտարարագրերի տրամադրման, քաղավիացիայի կառավարման ընթացակարգերը, ինչպես նաեւ ընդլայնել է առողջապահության ոլորտում աջակցությունը: