Ուկրաինայի կառավարությունը երկրորդ անգամ գլխավորել է Արսենի Յացենյուկը: Համապատասխան որոշման կողմ են քվեարկել 341 պատգամավորներ՝ նոյեմբերի 27-ի Ռադայի ութերորդ գումարման առաջին նիստին:
Դաշինքի առաջարկով Յացենյուկի թեկնածությունը պաշտոնապես ներկայացրել է նախագահ Պյոտր Պորոշենկոն, հայտնում է corespandent.net-ը:
Հիշեցնենք, նոյեմբերի 27-ին բացվել է Ուկրաինայի նոր գումարման Գերագույն ռադայի առաջին նիստը: Պատգամավորները երդվել են, որից հետո հայտարարվել է վեց խմբակցությունների ձեւավորման մասին, որոնցից հինգը դաշինք են կազմել: Յացենյուկի գլխավորած կառավարության հրաժարականի մասին հայտարարելուց հետո նրա թեկնածությունը կրկին առաջադրվել է վարչապետի պաշտոնում:
Նոր Ռադայի խոսնակը Վլադիմիր Գրոյսմանն է: