ԱԺ արտաքին հարաբերությունների մշտական հանձնաժողովը չքննարկեց Եվրասիական տնտեսական միությանը երկրի անդամակցության մասին պայմանագիրը: Թեեւ նիստին հրավիրված էր ֆինանսների փոխնախարար Սուրեն Կարայանը, սակայն պատգամավորները նախընտրեցին չլսել նրա զեկույցը եւ ըստ էության չքննարկել նախագիծը:
Հանձնաժողովի անդամ, ընդդիմադիր պատգամավոր Նիկոլ Փաշինյանը հայտարարեց, որ քննարկումը, միեւնույն է, իմաստ չունի. խորհրդարանի պրոֆիլային հանձնաժողովը տնտեսականն է, իսկ այն արդեն քննարկել եւ հավանության է արժանացրել պայմանագիրը: Ի պատասխան հանձնաժողովի նախագահ, ՀՀԿ-ական պատգամավոր Արտակ Զաքարյանը հակադարձեց, որ հանձնաժողովն մանդատ ունի իր կարծիքն արտահայտել ցանկացած միջազային, նույնիսկ տնտեսական բնույթի պայմանագրի վերաբերյալ:
«Չգիտեմ՝ դուք ինչ եք պայմանավորվել, սակայն ես այստեղ եմ եւ պատրաստ եմ պատասխանել ձեր բոլոր հարցերին», - ժպիտով հայտարարեց ֆինանսների փոխնախարարը: Պատգամավորները համաձայնության են եկան, որպեսզի հանձնաժողովն իր զեկույցը ներկայացնի լիագումար նիստին, կառավարության կողմից հիմնական զեկուցողից հետո:
Հիշեցնենք, որ ԵՏՄ-ին Հայաստանի անդամակցության մասին պայմանագիրն ուժի մեջ կմտնի 2015 թվականի հունվարի 1-ին: Մինչ այդ, սպասվում է երկրի խորհրդարանում անդամակցության մասին Պայմանագրի վավերացումը:
