Չեմ կարծում, որ Թուրքիան Հայաստանի հետ սահմանը կբացի: Այդ մասին այսօր՝ նոյեմբերի 28-ին, մամուլի ասուլիսի ժամանակ հայտարարեց թուրքագետ Հակոբ Չաքրյանը՝ անդրադառնալով հարցին՝ կարո՞ղ է, արդյոք, Թուրքիան բացել սահմանը Ցեղասպանության 100-ամյա տարելիցի նախաշեմին, ինչի արդյունքում «գնդակը կհայտնվի Հայաստանի կողմում»:
Նրա խոսքով՝ Թուրքիայի նախագահ Ռեջեփ Թարփ Էրդողանը որոշակի քայլ արդեն կատարել է այս տարվա ապրիլի 23-ին՝ ցավակցություն հայտնելով հայ ժողովրդին: «Չեմ կածում, որ Թուրքիան կբացի իր սահմանը: Թուրքական կողմը կսպասի Հայոց ցեղասպանության 100-ամյա տարելիցի հետ կապված միջոցառումների արդյունքին», - նշեց Հակոբ Չաքրյանը՝ ընդգծելով, որ խնդիրը պետք է լինի որ թե հայ-թուրքական սահմանի բացումը, այլ դիվանագիտական հարաբերությունների հաստատումը, քանի որ վերջինս էլ կհանգեցնի սահմանի բացմանը: