Մոսկվայի 35-ամյա բնակիչը ոստիկանություն է դիմել՝ հաղորդելով, որ իր բնակարանում նռնակ կա, որը զոքանչն է բերել, փոխանցում է «Մոսկովսկի կոմսոմոլեցը»՝ վկայակոչելով ՌԴ ՆԳՆ Մոսկվայի վարչության մամուլի ծառայությունը:
Իրավապահները պարզել են, որ 54-ամյա կինը, ով ապրում է Արեւելյան օկրուգում, ավելի քան մեկ տարի առաջ վախճանված ամուսնու անձնական իրերը դասավորելիս նռնակ է հայտնաբերել:
«Կինը նռնակը վերցրել եւ այցելել է դստերը՝ նրան ցույց տալու համար: Փեսան իմանալով զանգահարել է ոստիկանություն»,- հայտնել են մամուլի ծառայությունից:
Նշվել է, որ մարտական բեկորային ՌԳԴ-5 նռնակը առգրավվել է:
