Ուկրաինական հակամարտության հետ կապված Երոպական միության խորհուրդն այսօր՝ նոյեմբերի 28-ին, հաստատել է Ուկրաինայի արեւելքի ներկայացուցիչների եւ «սեւ ցուցակում» ընդգրկված կազմակերպությունների ցանկն ընդլայնող առաջարկությունը, «Ինտերֆաքսին» հայտնել են ԵՄ խորհրդի աշխատակազմում:
ԵՄ խորհուրդը գրավոր ընթացակարգով որոշել է «սեւ ցուցակում» ընդգրկել եւս 13 ֆիզիկական անձ եւ 5 իրավաբանական անձ, քանի որ նրանք մասնակցում են Ուկրաինայի տարածքային ամբողջականությունը խախտող գործունեությանը:
ԵՄ խորհրդի կոմյունիկեում այդ անձանց ու կազմակերպությունների անունները չեն նշված: Դրանք կհրապարակվեն նոյեմբերի 29-ին ԵՄ «Պաշտոնական ամսագրում», որից հետո անմիջապես սահմանափակումներն ուժի մեջ կմտնեն:
