Ադրբեջանի նախագահ Իլհամ Ալիեւը «Քարվաճառի ահաբեկիչների» ընտանիքներին բնակարաններ է տվել:
Ըստ haqqin.az-ի՝ սոցցանցերում տեղեկություն է հայտնվել, որ Իլհամ Ալիեւը կարգադրել է նոր բնակարաններ տալ Դիլհամ Ասկերովի, Շահբազ Գուլիեւի եւ Հասան Հասանովի ընտանիքներին:
Համապատասխան կարգադրությունը նախագահը տվել է փոխվարչապետ, փախստականների եւ հարկադիր վերաբնակեցվածների հարցերով պետհանձնաժողովի ղեկավար Ալի Հասանովին, որն էլ այդ մասին ասել է լրագրողներին:
Հիշեցնենք, խոսքը ադրբեջանական դիվերսիոն-հետախուզական խմբի մասին է, որ այս տարվա ամռանը սողոսկել էր ԼՂՀ Քարվաճառի շրջան: Խումբը սպանել էր երկու մարդու (մեկը՝ դեռահաս) եւ վիրավորել մեկ կնոջ:
Դիլհամ Ասկերովն ու Շահբազ Գուլիեւը մեղադրվում են ԼՂՀ ՔՕ մի շարք հոդվածներով:
Սա առաջին դեպքը չէ, երբ հայերին սպանողները պարգեւների են արժանանում: Հայ սպա Գուրգեն Մարգարյանին քնած ժամանակ կացնահարած սպա Ռամիլ Սաֆարովը, որը Հունգարիայից արտահանձնվել էր Ադրբեջան, բնակարան էր ստացել, պարգեւներ եւ նպաստ:
