Ընտանեկան բռնության խնդիրն առկա է հարավային Կովկասի երեք երկրներում, դեկտեմբերի 8-ին Հայաստանում գենդերային բռնության դեմ պայքարի 16-օրյա արշավին նվիրված մամուլի ասուլիսում հայտարարել է Հայաստանում ՄԱԿ-ի Մանկական հիմնադրամի (UNICEF) ներկայացուցիչ, երկրում ՄԱԿ-ի մշտական համակարգողի պաշտոնակատար Հենրիետ Արենսը:
Անդրադառնալով հարեւան Ադրբեջանի ցուցանիշներին՝ նա նշել է, որ հստակ տվյալներ չունի: Անդրադառնալով սելեկտիվ աբորտներին՝ Հենրիետ Արենսը ընդգծել է. «ՀՀ կառավարությունն արդեն խոստովանել է, որ սելեկտիվ աբորտների խնդիրը երկրում առկա է, եւ փորձում է դրանց կանխարգելման ինչ-որ մեխանիզմներ մշակել: Մենք ՄԱԿ-ում հասկանում ենք, որ մեկ ծրագրով հնարավոր չէ էական արդյունքների հասնել, այստեղ համատեղ մեծ ջանքեր են հարկավոր, հանրության իրազեկվածությունը բարձրացնող միջոցառումներ:
