Apple ընկերությունը Quanta Computer-ի գործընկերների հետ համատեղ կարողացել է լուծել Apple Watch «խելացի» ժամացույցների հետ կապված որոշ խնդիրներ եւ նախատեսում է զանգվածային արտադրություն սկսել 2015 թ. հունվարին, հայտնում է United Daily News թայվանկան թերթը: Ավելի վաղ որոշ աղբյուրներ նշել էին, որ  Apple Watch-ի արտադրությունը կսկսվի միայն փետրվարի վերջին:

Ըստ թերթի՝ Quanta Computer ընկերությունն արդեն սկսել է ավելացնել աշխատակիցների թիվը՝ 2 հազարից մինչեւ 10 հազար մարդու, իսկ  Apple-ը հաջորդ տարի ծրագրում է իրացնել 24 մլն Watch ժամացույց:

Apple Watch «խելացի» ժամացույցները ներկայացվել էին սեպտեմբերի 9-ին՝  Apple-ի պաշտոնական միջոցառման ժամանակ: Ժամացույցի՝ շուկայում հայտնվելն սպասվում 2015 թ. սկզբին, սակայն վաճառք սկսելու հստակ ամսաթիվն անհայտ է: 

Ավելի վաղ հաղորդվել էր, որ սարքի գլխավոր թերությունը մարտկոցի կարճատեւ աշխատանքն է: Apple-ի ղեկավար Թիմ Կուկը հաստատել է, որ Apple Watch-ի ապագա տերերը պետք է ամեն օր լիցքավորեն այն: Apple Watch-ի սովորական տարբերակի արժեքն է 349 դոլար: