Կառավարությունում այսօր՝ դեկտեմբերի 13-ին, վարչապետ Հովիկ Աբրահամյանը հանդիպում է «Նաիրիտ» գործարանի մի խումբ աշխատակիցների հետ։ NEWS.am-ի թղթակիցը հաղորդում է, որ հանդիպմանը մասնակցում են չորս նաիրիտցիներ՝գործարանի արհմիության նախագահ Հրաչ Թադեւոսյանը, Անուշ Հարությունյանը, Ռուբիկ Սաղաթելյանը, Գայանե Հարությունյանը:
Գործարանի աշխատակիցները կներկայացնեն իրենց հուզող հարցերը՝ աշխատավարձները մարելու, համընդհանուր կրճատումների մասով եւ կփորձեն պարզաբանումներ ստանալ Կառավարության ղեկավարից:
Դրսում նրանց սպասում են գործարանի մոտ հարյուր աշխատակիցներ։
Հիշեցնենք, որ հարկադիր պարապուրդի մատնված՝ «Նաիրիտ» գործարանի աշխատակիցներին 18 ամսվա աշխատավարձերի պարտքը կազմում է մոտ 15 մլն դոլար: Նրանք օրեր շարունակ հավաքվել են Կառավարության մոտ՝ պահանջելով իրենց խնդիրների լուծում: