Ռուսաստանում ՀՀ դեսպանատունն իրավապահ մարմինների հետ քայլեր է ձեռնարկում՝ լրացուցիչ տեղեկություններ ստանալու դեկտեմբերի 13-ին Մոսկվայում գնդակահարված հայի մասին:
NEWS.am-ի թղթակցի հետ զրույցում դեսպանատան մամուլի ծառայությունից հայտնեցին, որ այս պահին պաշտոնական որեւէ տեղեկություն իրենք չունեն, հաստատված չէ նաեւ նրա Հայաստանի քաղաքացի լինելը:
Ավելի վաղ NEWS.am-ը, վկայակոչելով ՏԱՍՍ գործակալությունը, հայտնել էր, որ դեկտեմբերի 13-ին տեղական ժամանակով 21:00-ին Բալակլավսկի պողոտայի N4 տան մոտ անհայտ անձը մի քանի անգամ կրակել է հայ տղամարդու ուղղությամբ, երբ վերջինը դստեր հետ դուրս է եկել շենքի մուտքից: Մարդասպանը դիմել է փախուստի: Տղամարդուն տեղափոխել են հիվանդանոց, որտեղ էլ մահացել է: