Ղազախստանը դեկտեմբերի 16-ին տոնում է Անկախության օրը: 1991թ. այս օրը երկրի նախագահ Նուրսուլթան Նազարբաեւը «Ղազախստանի Հանրապետության պետական անկախության մասին» Սահմանադրական օրենք էր ստորագրել, փոխանցում է «ՌԻԱ Նովոստին»:
Հանրապետությունում Անկախության օրը նշվում է համերգներով եւ ժողովրդական զանգվածային զբոսանքներով, հրավառությամբ: Տոնի նախօրեին երկրի նախագահը պարգեւներ է շնորհել Ղազախստանի կարկառուն ներկայացուցիչներին՝ մշակույթի, արվեստի, սպորտի, քաղաքականության բնագավառի գործիչների եւ զինծառայողների: