Եվրախորհրդարանի պատգամավորները կողմ են քվեարկել ԵՄ երկրների կողմից Պաղեստինի պետության ճանաչմանը եւ Մերձավոր Արեւելքում խաղաղ կարգավորման բանակցությունների շարունակմանը: Համապատասխան բանաձեւը հավանություն է ստացել խորհրդարանականների մեծամասնության կողմից՝ Ստրասբուրգի լիագումար նիստի ժամանակ:
«Հակամարտության կարգավորման միակ միջոցը երկու պետությունների՝ Իսրայելի եւ Պաղեստինի գոյակցությունն է», - ասվում է բանաձեւում, փոխանցում է ՏԱՍՍ-ը:
ԵԽ-ն լիազորություններ չունի Պաղեստինի ճանաչման կամ չճանաչման համար: Այդ որոշումը կայացնելու են ԵՄ երկրներն՝ առանձին-առանձին: Սակայն ԵԽ-ում այս քվեարկության արդյունքները, սպասվում է, որ խորհրդանշական ազդանշան կդառնան ԵՄ բոլոր անդամների գործունեության համար: