Ռուսաստանի Պետդուման օրենք է ընդունել, որը 2015 թվականի սեպտեմբերի 1-ից պարտավորեցնում է քաղաքացիների անձնական տվյալները միայն Ռուսաստանի տարածքում պահել: Այս մասին գրում է ՏԱՍՍ գործակալությունը:
Ռուսաստանի նախագահ Վլադիմիր Պուտինն այս տարվա հուլիսին օրենք էր ստորագրել՝ «Անձնական տվյալների մասին» եւ «Տեղեկության, տեղեկատվական տեխնոլոգիաների եւ տեղեկության պաշտպանության մասին» օրենքներում փոփոխությունների կատարելու մասին:
Փաստաթուղթը Ռուսաստանում բիզնեսով զբաղվող ինտերնետ-ընկերություններին պարտավորեցրել է քաղաքացիների անձնական տվյալները պահպանել միայն երկրի տարածքում գտնվող սերվերներում: