ԱՄՆ-ն անսպասելիորեն որոշել է վերականգնել Կուբայի հետ դիվանագիտական հարաբերությունները, որոնք խզվել են 1961 թվականին: Այս մասին հաղորդում է BBC-ի ռուսական ծառայությունը:
Վաշինգտոնում տեղեկացրել են, որ մոտ ապագայում Հավանայում կարող է ամերիկյան դեսպանատուն բացվել:
Սպասվելիք քայլերից մեկն էլ կարող է լինել ԱՄՆ-ի եւ Կուբայի միջեւ բանկային եւ առեւտրային հարաբերությունների կարգավորումը: Հաղորդվում է, որ առաջիկայում Կուբայի առաջնորդ Ռաուլ Կաստրոն Հավանայի եւ Վաշինգտոնի հարաբերությունների մասին պաշտոնական հայտարարությամբ հանդես կգա:
Հիշեցնենք, որ Կուբայում ազատ են արձակել ԱՄՆ քաղաքացի Ալան Գրոսին, ով ձերբակալվել էր 5 տարի առաջ եւ դատապարտվել 15 տարվա ազատազրկման: Նրա ձերբակալությունը եւ ապօրինի կերպով արբանյակային սարքավորումներ մատակարարելու շուրջ մեղադրանքը Կուբայի եւ ԱՄՆ-ի միջեւ երկխոսության հաստատման հիմնական խոչընդոտներից էր:
Գրոսի ազատ արձակման փոխարեն ԱՄՆ-ն բաց է թողել Կուբայի հետախուզության երեք աշխատակցի:
