Դեկտեմբերի 17-ին, ժամը 16.00-ին, ոստիկանության Երեւան քաղաքի վարչության ՊՊԾ գնդի 3-րդ վաշտի եւ Մաշտոցի բաժնի ծառայողները Երեւանի Այասի փողոցի թիվ 10/1 շենքի մոտից բերման են ենթարկել 1978 թ. ծնված Արթուր Մ.-ին:
Ոստիկանության լրատվության վարչությունից հայտնում են, թե նա դեկտեմբերի 17-ից Աջափնյակ եւ Դավիթաշեն վարչական շրջանների ընդհանուր իրավասության դատարանի որոշմամբ հետախուզվում էր պատժի կրումից խուսափելու համար` ՀՀ քրեական օրենսգրքի 118 հոդվածի /ծեծ/ մեղադրանքով: