ՌԴ-ն եւ ՄՄ երկրները ճգնաժամից պլյուսով դուրս կգան՝ այդ թվում նաեւ ինտեգրման հաշվին, հայտարարել է ՌԴ նախագահ Վլադիմիր Պուտինը ամենամյա մամուլի ասուլիսում:
«Ղազախստանը, ինչպես եւ ՌԴ-ն, նավթ եւ գազ արդյունահանող երկիր է: Ինտեգրվելուց անկախ՝ ԵՏՄ-ի շրջանակում, այսպես թե այնպես, Ղազախստանը եւ Ռուսաստանը բախվում են արտաքին տնտեսական անբարենպաստ միջավայրին: Ի վիճակի՞ ենք արդյոք դուրս գալ այս իրավիճակից: Ես արդեն ասացի: Անպայման դուրս կգանք այս իրավիճակից՝ պլյուս նշանով, դրական արդյունքով: Եվ համաշխարհային տնտեսության եւ էներգառեսուրսների պահանջների աճին զուգահեռ, որոնք մենք ունենք», - նշել է Պուտինը՝ ընդգծելով, ոտնտեսություններն, այսպես թե այնպես, կհարմարվեն էներգակիրների ցածր գներին:
Նախագահը հիշեցրել է, որ Ղազախստանի նախագահ Նուրսուլթան Նազարբաեւը առաջարկել է ստեղծել ԵՏՄ-ն, քանի որ միասին հեշտ է հաղթահարել խնդիրները: «Տեղ բացելով կապիտալի, աշխատուժի եւ ապրանքների տեղաշարժի համար: Իհարկե, միասին դա անելն ավելի հեշտ է»:
Նա նշել է, որ ՄՄ-ի գոյության ընթացքում Ռուսաստանի, Բելառուսի եւ Ղազախստանի միջեւ ապրանքաշրջանառությունը աճել է 50%-ով: