Պակիստանի լրատվամիջոցները հայտնում են, որ Պակիստանի նախկին նախագահ Փերվեզ Մուշարաֆի դեմ մահափորձի գործով մահապատժի դատապարտված 4 անձանց, այդ թվում ռուսաստանցի Ախլաս Ախլաքի, պատիժը կյանքի է կոչվել:
Dawn թերթը պնդում է, որ Ախլաքը եւ մյուս երեք դատապարտյալները այսօր՝ դեկտեմբերի 21-ի առավոտյան մահապատժի են ենթարկվել Ֆայսալաբադ քաղաքի բանտում: Պարբերականի փոխանցմամբ՝ մահից առաջ նրանց թույլ են տվել հանդիպել հարազատների հետ:
Ռուսաստանցի դիվանագետներն այս տեղեկատվությունը դեռ չեն հաստատել:
Ավելի վաղ Պակիստանում ՌԴ դեսպանատնից հայտնէլ էին, որ Պակիստանը համաձայնել է հետաձգել պատժի իրականացումը: Ախլաքի փաստաբանը դիվանագետներին ասել էր, որ մահապատիժը հետաձգվել է մինչեւ Ախլաքի մոր ժամանումը:
Պակիստանում ռուսաստանցու մահապատիժը հնարավոր է եղել հետաձգել
Ախլաս Ախլաքի հայրը Պակիստանի քաղաքացի է, իսկ մայրը՝ Ռուսաստանի: Ախլաքը ծնվել է 1979-ին, Բոլգոգրադում, ունի ՌԴ քաղաքացիություն: 2003-ին Պակիստանի դատարանը նրան մեղավոր է ճանաչել այն ժամանակվա նախագահ Փերվեզ Մուրաշարֆի դեմ մահափորձ կազմակերպելու մեջ: Դատարանը նրան մահապատժի է դատապարտել, սակայն նա իր մեղքը չի ընդունել: