Ուկրաինան կարող է նպաստել ԵՄ-ի հետ Բելառուսի հարաբերությունների զարգացմանը «Արեւելյան գործընկերության» շրջանակում, հայտարարել է Ուկրաինայի նախագահ Պյոտր Պոշորենկոն Բելառուսի նախագահ Ալեքսանդր Լուկաշենկոյի հետ բանակցությունների ժամանակ, հայտնում է Ուկրաինայի նախագահի կայքը:  

Խոսքը տեխնոլոգիաների, ֆինանսական ռեսուրսների փոխշահավետ օգտագործման մեխանիզմների մասին է, նշել է Պորոշենկոն: Նա հիշեցրել է, որ Ուկրաինան ապահովել է Բելառուսի հետ ապրանքաշրջանառության աճ:  «Ուկրաինան շահագրգիռ է, որպեսզի առեւտրային, տնտեսական, քաղաքական, պաշտպանական հարաբերությունները զարգանան առավելագույն ինտենսիվությամբ», — հավելել է Պորոշենկոն:

Բելառուսի նախագահը նշել է, որ իր երկիրը կլինի հուսալի, արդար գործընկեր՝ քաղաքական եւ տնտեսական հարցերում: «Մենք միանգամայն թափանցկ ենք: Դուք լիովին կարող եք հույս դնել մեզ վրա», — նշել է նա:

Դեկտեմբերի 21-ին Լուկաշենկոն հայտարարել էր, որ  պատրաստ է մեկ օրվա մեջ կատարել այն ամենը, ինչ խնդրի Պորոշենկոն: 
Լուկաշենկոն պատրաստ է մեկ օրվա մեջ կատարել այն ամենը, ինչ Պորոշենկոն խնդրի http://news.am/arm/news/245204.html