Թուրքիայում հեռուստահաղորդումներից մեկին տուգանել են ուղիղ եթերում օտարերկրացի կանանց հետ տղամարդկանց պարի համար: Թուրքիայի ռադիոյի եւ հեռուստատեսության բարձրագույն խորհուրդը (RTUK) «Ես չգիտեմ, իսկ զուգընկերս գիտի» հաղորդմանը տուգանել է 410 հազար թուրքական լիրայով՝ անբարոյականության համար:
Ըստ խորհրդի՝ հաղորդման դրվագներից մեկը «հակասում է հանրային բարոյականոթյանը» եւ «քանդում ընտանիք կառույցը», հայտնում է «ՌԻԱ Նովոստին»՝ վկայակոչելով Hurriyet-ը:
Հաղորդման դրվագը հեռարձակվել է նոյեմբերի 16-ին: Այնտեղ մասնակիցները պարել են մի քանի օտարերկրացի կանանց հետ, այն ժամանակ, երբ իրենց ընկերուհիները կամ կանայք դիտել են դա՝ ժամանակ առ ժամանակ բացականչելով. «Լո՞ւրջ: Սա կատա՞կ է: Ես հիմա նրան կսպանեմ»:
Խորհուրդը կարծում է, որ այդ տեսարանը «տղամարդկանց դավաճանության է դրդում եւ ընտանեկան անդորրը խաթարող պայմաններ ապահովում»: Այդ շոուն նաեւ «կնոջը իջեցրել է սեռական օբյեկտի մակարդակի»: