Apple Online Store առցանց խանութը Ռուսաստանի բնակիչների համար վերանայել է iPhone 6 սմարթֆոնի գինը: 16 Գբ iPhone 6-ի նոր մոդելների արժեքը բարձրացել է 35,1%-ով՝ կազմելով 53,99 հազար ռուբլի: 128 Գբ հիշողությամբ iPhone 6-ը՝ 32%-ով՝ մինչեւ 69,99 հազար ռուբլի: 16 Գբ iPhone 6 Plus-ի գինն ավելացել է 61,99 հազար ռուբլի, իսկ 128 Գբ-ով iPhone 6 Plus-ինը՝ 32,2%-ով՝ 77,99 հազար ռուբլի:

Նոր գներ սահմանելու նպատակով դեկտեմբերի 16-ից խանութը փակվել էր: «Ռուբլու փոխարժեքի կտրուկ տատանումների կապակցությամբ գները վերանայելու նպատակով մեր ռուսական առցանց խանութը ժամանակավորապես փակվել է», - հաղորդել էր Apple-ի ներկայացուցիչը, հաղորդում է «ՏԱՍՍ»-ը:

Նշենք, ընկերությունը նոյեմբերի 26-ին արդեն բարձրացրել էր iPhone-ի եւ iPad-ի գները:  Նոր iPhone 6 եւ 6 Plus սմարթֆոնները թանկացել էին միջինը 25%-ով: Գրեթե նույնքան աճել էր iPhone 5S-ի եւ 5C-ի, ինչպես նաեւ iPad պլանշետների գինը: