Մոսկվայի հարավ-արեւմուտքում դեկտեմբերի 13-ին գնդակահարված տղամարդը Հայաստանի Հանրապետության քաղաքացի է եղել: Այս մասին NEWS.am-ին հայտնեցին Ռուսաստանի Դաշնությունում ՀՀ դեսպանատան մամուլի ծառայությունից:
Նրանց փոխանցմամբ՝ սպանվածը Ա. Քասաբելյանն է, որն ունեցել է Երեւանի գրանցում:
«Տարիքը հայտնի չէ: Այս պահին էլ հետաքննություն է ընթանում, դեպքի մանրամասները եւ սպանության դրդապատճառները դեռ հայտնի չեն»,- ասացին դեսպանատնից:
Ավելի վաղ NEWS.am-ը, վկայակոչելով ՏԱՍՍ գործակալությանը, հայտնել էր, որ դեկտեմբերի 13-ին տեղական ժամանակով 21:00-ին Բալակլավսկի պողոտայի N4 տան մոտ անհայտ անձը մի քանի անգամ կրակել է հայ տղամարդու ուղղությամբ, երբ վերջինը դստեր հետ դուրս է եկել շենքի մուտքից: Մարդասպանը դիմել է փախուստի: Տղամարդուն տեղափոխել են հիվանդանոց, որտեղ էլ մահացել է:
