Հայաստանի բնապահպանության նախարարությունը կդիմի միջազգային դոնորներին էժան վառելանյութի մամլած աղյուսների արտադրություն կազմակերպելու համար: Այդ մասին այսօր՝ դեկտեմբերի 22-ին, լրագրողներին հայտարարեց բնապահպանության նախարար Արամայիս Գրիգորյանը:
Նա նշեց, որ մամլած աղյուսների համար ծրագրվում է օգտագործել Սեւանի մակարդակի բարձրացման արդյունքում ջրի տակ մնացած արմատախիլ տարածքների բնափայտը: «Այժմ ենք այդ զանգվածը վերցնում ենք Սեւանի ազգային պարկի տարածքից: Մենք ցանկանում ենք դրանցից վառելիքային աղյուսներ ստեղծել՝ բնակչության համար հասանելի գներով», - հստակեցրեց նախարարը: Նրա խոսքով՝ համապատասխան սարքավորումներ գնելու համար նախարարությունը մի շարք միջազգային կազմակերպությունների հետ բանակցություններ կվարի: