Հայաստանի ԱԻՆ-ում, դեկտեմբերի 22-ին, ժամը 19.26-ին ահազանգ է ստացվել, որ հրդեհ է բռնկվել Երեւանի Ալեք Մանուկյան փողոցի թիվ 11 շենքի մոտակայքում գտնվող ավտոտեխսպասարկման կետում:
Հայաստանի ԱԻՆ փրկարար ծառայությունից հայտնում են, որ դեպքի վայր է մեկնել երկու մարտական հաշվարկ:
Պարզվել է, որ հրդեհը բռնկվել է Այգեստան 4-րդ փողոցի թիվ 20 հասցեում գտնվող ավտոլվացման կետում:
Հրդեհը մեկուսացվել է ժամը 19.46-ին, մարվել՝ 19.57-ին: Այրվել է ավտոլվացման կետի տանիքը (15 քմ), իսկ ներսում՝ փրփրապլաստ ու ապակեբամբակ (5 քմ):
