2015թ. արեւմտյան երկրներից 1,5-2,5 մլրդ դոլարի չափով ներդրումներ կիրականացվեն Հայաստանի էներգետիկայի ոլորտում: Այդ մասին այսօր՝ դեկտեմբերի 23-ին, լրագրողներին հայտնեց Հայաստանի գործատուների միության գործադիր տնօրեն Գագիկ Մակարյանը: Նրա խոսքով՝ ներդրումները պետք է ուղղված լինել այլընտրանքային էներգետիկայի (արեւի եւ քամու) զարգացմանը:
Սակայն Մարգարյանի խոսքով՝ այստեղ քաղաքական ենթատեքստ փնտրել պետք չէ, այդ ծրագրերը ռուսական գազից Հայաստանի կախվածությունը թուլացնելու նպատակ չեն հետապնդում: «Այստեղ առկա են զուտ գործարար շահեր: Այսօրվա դրությամբ մի շարք երկրներից ներդրողների թիմ է ձեւավորվել, որոնց հետ մենք խորհրդակցում ենք», - հավելեց Գագիկ Մարգարյանը:
