Աշխարհում ներկայումս տիրող բարդ իրադրությունը ՀԱՊԿ երկրների համաձայնեցված գործողություններ է պահանջում, ՀԱՊԿ-ի գագաթաժողովը բացելով հայտարարել է ՌԴ նախագահ Վլադիմիր Պուտինը:
«Մեր գագաթաժողովն անցկացվում է բարդ ժամանակաշրջանում, աշխարհի իրադրությունը դինամիկ փոփոխվում է, սրվում են հին խնդիրները, բայց ցավոք ի հայտ են գալիս նաեւ նորերը, գլոբալ անվտանգության համակարգի դեֆորմացում է տեղի ունենում», - ընդգծել է պետության ղեկավարը:
Ըստ նրա՝ «այս ամենը ՀԱՊԿ անդամ պետություններից մեր երկրների եւ ընդհանուր տարածաշրջանի անվտանգության ապահովման, ահաբեկչության, թմրավաճառության, տրանսսահմանային հանցավորության, բնական եւ տեխնածին աղետների հակազդման համաձայնեցված հավաքական միջոցառումներ է պահանջում», փոխանցում է ՏԱՍՍ-ը:
Պուտինը նշել է, որ ՀԱՊԿ-ը իրական հնարավորություններ ունի այդ խնդիրների լուծման համար: Ըստ նրա գնահատականի՝«բարելավել է միջազգային խոշոր հարթակներում Կազմակերպության անդամ-պետությունների համակարգումը»: Որպես օրինակ նա նշել է ՄԱԿ-ում, ԵԱՀԿ-ում համատեղ նախաձեռնությունը, որտեղ փաստաթղթեր էին ընդունվել Սիրիայի իրադրության, Կենտրոնական Ասիայում միջուկային զենքից զերծ գոտու ձեւավորման, պատմության խեղաթյուրման փորձերին հակազդելու մասին: