Հայաստանում Ռուսաստանի արտակարգ եւ լիազոր դեսպան Իվան Վոլիկինն այսօր՝ դեկտեմբերի 23-ին, այցելել է ռուսական Ֆիոլոտովո եւ Լերմոնտովո գյուղեր: Հայաստանում «Ռոսսոտրուդնիչեստվո» ներկայացուցչության ղեկավար Մարկ Կալինինի եւ «Հարավկովկասյան երկաթուղի» ՓԲԸ-ի տնօրեն Բիկտոր Ռեբեցի հետ համատեղ նրանք մոլոկաններին շնորհավորել են գալիք Նոր տարվա կապակցությամբ եւ տեղի դպրոցական գրադարանին գրքեր, դասագրքեր եւ մեթոդական նյութեր տրամադրել, հայտնում է NEWS.am-ի թղթակիցը:
Ֆիոլետովոյի միակ դպրոցում Իվան Մոլոկովը լրագրողների հետ զրույցի ժամանակ նշեց, որ ամեն տարի դեսպանատան, «Ռոսսոտրուդնիչեստվոյի» եւ այլ ռուսական կազմակերպությունները աշխտակիցներ գալիս են այդտեղ եւ նվերներ հանձնում: «Սա իրականում բարի ավանդույթ է, քանի որ յուրաքանչյուր երեխա ուրախանում է նվերի համար, սպասում Նոր տարվան», - ասաց դեսպանը: