Հայաստանյան բանկերում դոլարի եւ եվրոյի փոխարժեքները թերեւս կայունացել են:
Այսօր՝ դեկտեմբերի 24-ին, ժամը 14:00-ի դրությամբ, ըստ Rate.am կայքի, բանկերը դոլար գնում են հիմնականում 455 դրամ, ամենաբարձրը 457 դրամ է, իսկ ամենացածրը 454 դրամ Կոնվերս, Ամերիա եւ Ակբա-Կրեդիտ Ագրիկոլ բանկերում: Դոլարի վաճառքը հիմնականում կազմում է 465 դրամ, ամենացածրը 464 դրամ է՝ Ամերիա, Ակբա-Կրեդիտ Ագրիկոլ, Էյչ-Էս-Բի-Սի եւ Արմսվիս բանկերում, իսկ ամենաբարձրը 468 դրամ Արցախբանկում:
Եվրոյի առքը բանկերում հիմնականում 552 դրամ է, ամենաբարձրը ԲՏԱ բանկում է՝ 557 դրամ, իսկ ամենացածրը Կոնվերս եւ Ամերիա բանկերում՝ 548 դրամ: Բանկերը եվրո վաճառում են միջինը 572 դրամով, ամենաբարձրը 580 դրամ է ՎՏԲ Հայաստան Բանկում, Յունիբանկում եւ Բիբլոս Բանկ Արմենիայում, իսկ ամենացածրը 566 դրամ Արմսվիսբանկում:
Նշենք, որ դեկտեմբերի 17-ի գիշերվանից դոլարի եւ եվրոյի փոխարժեքները նվազել են: