Հայաստանի կառավարությունը հաստատել է բյուջետային միջոցներով կառուցվող շինությունների համար էներգախնայողության պահանջերի չափորոշիչները: Քաղաքաշինության նախարար Նարեկ Սարգսյանի կողմից ներկայացված չափորոշիչները հաստատվել են կառավարության այսօրվա՝ դեկտեմբերի 25-ի նիստին:
Ինչպես նշվում է բացատրագրում, դեռ 2007թ. Էներգախնայողության եւ վերականգնվող էներգետիկայի ազգային ծրագրում հանրապետության կառույցներում էներգախնայողության ներուժը գնահատվել է 40%:
Շինարարության նոր էներգախնայող նյութերը եւ տեխնոլոգիաները օբյեկտների արժեքը բարձրացնում է ընդամենը 5 – 10%-ով, փոխարենը 7-8 տարվա ընթացքում այն փոխհատուցվում է էներգիայի խնայողության եւ շենքերի սպասարկման ծախսերի նվազեցման հաշվին:
